daň

Gün dogmazyndan öň howanyň ýagtylyp başlaýan çagy, jahan ýalançy ýagtylyp başlaýan pursat.

∙ Bir gün Annagulynyň ejesi daň bilen turdy-da, çaý goýdy. (A. Durdyýew, Saýlanan eserler)

◊ daň atmak — Jahan ýagtylmak.

◊ daň saz bermek — Daňyň atýany bildirip başlamak.

∙ Bu gün hem hemişeki gijeler ýaly bag-bakjalar parahat dem alyp, öz nobatynda daň saz berdi. (A. Gowşudow, Köpetdagyň eteginde)

◊ daň sazy

1) Daňyň atyp başlan çagy.

∙ Daň sazy bir eýýäm asmanyň ýüzüni gyzardypdy. (N. W. Gogol, Saýlanan eserler)

2) Göçme manyda Bir zadyň başlangyjy, bir zadyň ýüze çykyp başlan döwri.

◊ daň tilki guýrugy bolmak — Ýaňy daň bildirip ugramak, daň saz berip başlamak.

∙ Daň tilki guýrugy bolanda turan Näzik eje hemişeki adaty boýunça sygryny sagdy-da, ony boşadyp, bir gapdallaryndan geçýän köçä salyp goýberdi. (A. Gowşudow, Köpetdagyň eteginde)